ແຈ້ງການ
ແຈ້ງການ
ນ້ອມນະມັດສະການ: ພຣະອາຈານເຈົ້າອະທິການວັດທຸກໆວັດ ທົ່ວເມືອງຊຳເໜືອ ທີ່ເຄົາຣົບ ແລະ ນັບຖືຢ່າງສູງ.
ເລື່ອງ: ເຕົ້າໂຮງຊຸມນຸມສູດມົນຂ້າມປີ ສົ່ງທ້າຍປີເກົ້າຕ້ອນຮັບປີໃໝ່ ຄສ 2024-2025.
ອິງຕາມ: ທັມມະນູນສົງລາວ ສະບັບປັບປຸງໃໝ່ ປີ ພສ 2565 ສະບັບເລກ 189/ນຍ, ລົງວັນທີ 03 ເມສາ 2023.
ອິງຕາມ: ທິດຊີ້ນໍາຂອງປະທານ ອົງການພຸດທະສາສະໜາສຳພັນລາວແຂວງຫົວພັນ ວັນທີ 23 ທັນວາ 2024.
ປະທານ ອພສ ເມືອງຊຳເໜືອ ຂໍຖືໂອກາດແຈ້ງມາຍັງ ພຣະອາຈານເຈົ້າອະທິການວັດທຸກໆວັດ ທົ່ວເມືອງ ຊຳເໜືອ ຊາບເນື່ອງໃນວາລະໂອກາດປີໃໝ່ 2025 ຈະມາຮອດນີ້ ເພື່ອເປັນການສະເຫຼີມສະຫຼອງຮັບພອນປີໃໝ່ ໃຫ້ ແຕ່ລະວັດເຕົ້າໂຮມສັດທາຍາດໂຍມ ຊາວໜຸ່ມ-ເຍົາວະຊົນ ຈັດກິດຈະກຳໄຫວ້ພຣະສູດມົນຂ້າມປີ ສົ່ງທ້າຍປີເກົ່າ ຕ້ອນຮັບປີ ໃໝ່ 2024-2025 ໃນຄໍ່າຄືນວັນທີ່ 31 ທັນວາ 2024.
ດັ່ງນັ້ນ: ຈິ່ງແຈ້ງມາຍັງພຣະອາຈານເຈົ້າອະທິການວັດ ທົ່ວເມືອງຊຳເໜືອເພື່ອຊາບ ແລະ ຈັດຕັ້ງປະຕິບັດ ຕາມທາງຄວນດ້ວຍ.
ນ້ອມນະມັດສະການດ້ວຍຄວາມເຄົາຣົບຢ່າງສູງ.
